2013 సంవత్సరం నాటికి పిఎసిఎస్ పోతుగల్ 73 లక్షల రూపాయల నష్టంలో ఉంది.

 

2013 సంవత్సరం ఫిబ్రవరిలో శ్రీ తన్నీరు బాపురావు అధ్యక్షతన వారి పాలకవర్గం బాధ్యతలు స్వీకరించిన తరువాత సంఘం రూపు రేఖలు మారిపోయినవి.

 

గౌరవ ముఖ్యమంత్రి శ్రీ .కె.సి.ఆర్ గారి ఆశీర్వాదంతో ఐటి మంత్రి శ్రీ. కె. తారక రామారావు గారు,  అప్పటి యం.పి ఇప్పటి ప్రణాళికా సంఘం వైస్ చైర్మన్ శ్రీ. బి.వినోద్ కుమార్ గారు, సహకార సంఘాల జాతిపిత TSCAB చైర్మన్ శ్రీ.కె.రవీందర్ రావు గారు, వీరందరి సహకారంతో గత ఏడు సంవత్సరాలుగా ఎన్నొ రకాల సేవలను రైతులకు అందిస్తు ముందుకు పోవుచున్నాము.

 

​

 

సంఘ అభివృద్ధి గురించి నిధుల కోసం అధ్యక్షుడు శ్రీ టి.బాపురావు 2013 లో అప్పటి ఎమ్మెల్యే, ఇప్పుడు ఐటి మంత్రి శ్రీ కె. తారక రామారావు గారిని కలిశారు. వెంటనే అప్పటి కెడిసిసి బ్యాంక్ చైర్మన్ శ్రీ కె. రవీందర్ రావు గారికి ఫోన్ చేసి సొసైటీకి 50 లక్షల రూపాయల ‌రుణం ఇప్పించారు.

 

ఆ 50 లక్షలతో అధ్యక్షుడు శ్రీ టి.బాపు రావు మరియు పాలకవర్గం కష్టపడి  అన్ని రకాల రుణాలు రైతులకు ఇవ్వడంతో పాటు వాణిజ్య కార్యకలాపాలను ప్రారంభించడం జరిగింది. 

​

2013 కు ముందు, సొసైటీకి 2 వరి ధాన్యం సేకరణ కేంద్రాలు మరియు 2 ఎరువుల పంపిణీ కేంద్రాలు మాత్రమే ఉండేవి. ఇప్పుడు మంత్రి శ్రీ. కె. తారక రామారావు గారి సహకారంతో సొసైటీకి 7 వరి ధాన్యం సేకరణ కేంద్రాలు, 8 విత్తనాల పంపిణీ కేంద్రాలు, 8 ఎరువుల విక్రయ కేంద్రాలు సమకూరినవి.

​

2013 కి ముందు, పిఎసిఎస్ పోతుగల్ రైతులకు పంట రుణాలు మరియు దీర్ఘకాలిక రుణాలను మాత్రమే ఇచ్చింది. 2013 తరువాత శ్రీ టి.బాపురావు మరియు పాలకవర్గం కృషితో సొసైటీలో రైతులకు వ్యక్తిగత, తనఖా, ద్విచక్ర వాహనం, ఫోర్ వీలర్, బంగారం మరియు స్వల్పకాలిక రుణాలను అందించడం తో పాటు ఫిక్స్ డిపాజిట్, లాకర్ మరియు  పొదుపు ఖాతాల సేవలు రైతులకు అందించడం జరిగింది.

 

​